မတ်လ (၁၇) ဗိုလ်ချုပ်အောင်ဆန်းရဲ့ တပ်ထွက်မိန့်ခွန်း ၆၃နှစ်မြောက် အမှတ်တရ

နေရာ။ ယခုတော်လှန်ရေးပန်းခြံ နေရာ

အချိန်။ မြန်မာနိုင်ငံကို ဂျပန်တို့ အုပ်စိုးထားပြီးရွှေရည်စိမ် လွတ်လပ်ရေး ပေးကာ မြန်မာ့ သယံဇာတများကို ကျောက်မျက်၊ ကျွန်းသစ်မှ အစ ကြယ်သီး မကျန် သိမ်းယူပြီး ဂျပန်ပြည်သို့ အကုန် တင်ပို့ နေချိန်။ ဖက်ဆစ် စနစ် လက်အောက် အမျိုး၊ ဘာသာ၊ သာသနာ ညှိုးနွမ်းနေချိန်။ ဖက်ဆစ်တို့က ဘုရားပေါ် ဖိနပ်နဲ့တက်၊ သံဃာတော်များ ကိုနားရင်းရိုက် နှိပ်စက်၊ အမျိုးသမီးများကို အဓမ စော်ကား အနိုင်ကျင့်ပြီး အမျိုးသားများကို ပေါ်တာဆွဲ၊ ဖမ်းဆီး၊ နှိပ်စက် သတ်ဖြတ်နေချိန်။ ဖက်ဆစ်ဂျပန်တို့ ဒဏ်ကို မခံနိုင်ဘဲ ပြန်လည် တော်လှန်ရန် စီစဉ်နေဆဲ အထက် မြန်မာနိုင်ငံတွင် ဗိုလ်မှူး ဗထူးက ဖက်ဆစ်တို့ကိုသာ မက ဖက်ဆစ်တို့နဲ့ အနီးကပ် ဆက်ဆံ နေရသေးသော ဗိုလ်ချုပ်အောင်ဆန်း တို့ကိုပါ တော်လှန်ကြောင်း ကြေညာကာ တော်လှန်ရေး စတင် နေချိန်။

၆၆နှစ်မြောက် တပ်မတော်နေ့

သမိုင်း မှတ်တမ်းလေး တစ်ခု ပါပဲ.. ၆၆နှစ်မြောက် တပ်မတော်နေ့ ကို သတိတရ ဂုဏ်ပြု လိုက်တာပါ။ တပ်မတော်ကို စတင် ထူထောင်သူ လူငယ်များဟာ တပ်မတော်သား တစ်ယောက် အဖြစ် ခံယူစဉ်က သူတို့ မျှော်လင့် နိုင်တာက “အိပ်ရန် မြေကြီး စားရန် ကျောက်ခဲ ဒါပဲ ငါတတ်နိုင်တယ်” ဆိုတဲ့ ဗိုလ်ချုပ်အောင်ဆန်းရဲ့ စကားကို မကြောက်မရွံ လေးစားစွာ လက်ခံပြီး အသက်ကို ရင်းလို့ တိုင်းပြည်နဲ့ လူမျိုးကို ကာကွယ်မယ် ဆိုတဲ့ စိတ်နဲ့ တပ်မတော်သားရဲ့ ဘ၀ကို လက်ခံ ခဲ့ကြ တာပါ။ အဲဒီခေတ်က တပ်မတော်သား ဆိုတာဟာ တကယ်တော့ အဲဒီအချိန်က အုပ်ချုပ်သူ အင်္ဂလိပ် အစိုးရ အတွက် သူပုန်တွေ ဖြစ်လို့ အချိန်မရွေး အသတ် ခံရနိုင်၊ အသက် အိုးအိမ် စည်းစိမ်တွေ အသိမ်းခံရ နိုင်တာကို သိသိနဲ့ တိုင်းပြည်နဲ့ လူမျိုးအတွက် စွန့်လွှတ် စွန့်စား ခဲ့ကြတဲ့ လူငယ်တွေပါ။ ဒါပေမယ့် သူတို့ ထဲက တစ်ယောက်ကတော့ လက်မောင်းသွေးဖောက်လို့ သွေးသစာရေ သောက်တဲ့ နေ့က တနေရာကို ရောက်နေခဲ့လို့ မပါဝင်ခဲ့ဘူးလို့ ဆိုကြပါတယ်။ ကျန်တဲ့ သူရဲကောင်း ၂၉ ယောက် တို့ဟာ သာမန်လူ အိပ်မက် မမက်ရဲတဲ့ နေမ၀င် အင်ပါယာ ပိုင်ရှင် နယ်ချဲ့ အင်္ဂလိပ် ကိုရော နေနတ်နွယ် အမည်ခံ ကမ္ဘာ့ အရှေ့တလွှားကို သိမ်းပိုက် လာနေတဲ့ ဂျပန် ဖက်ဆစ် ကိုပါ ၆နှစ် ဆိုတဲ့ အချိန်တို အတွင်း တိုက်ထုတ် အောင်မြင် ခဲ့ကြတယ်။

သူတပါး တိုင်းပြည်ကို မတရား အုပ်စိုး ဗိုလ်ကျတဲ့၊ အမျိုး၊ ဘာသာ၊ သာသနာ ကို ဖျက်ဆီးတဲ့ ၊ တိုင်းပြည်ရဲ့ သယံဇာတ တွေကို သူတို့ လူမျိုး ကောင်းစားရေး အတွက် သိမ်းယူ ခဲ့တဲ့ အင်္ဂလိပ် ကို တိုင်းပြည် ထဲက မောင်းထုတ်ဖို့ တပ်မတော်ကို ဖွဲ့တဲ့ ဒီဇင်ဘာ ၂၆ ရက်နေ့ ဟာ တပ်မတော်နေ့ စစ်စစ် ဖြစ်ပြီး လွတ်လပ်ရေး လိုချင် နေတဲ့ မြန်မာ တို့ကို ကူညီ ချင်ယောင် ဆောင်ကာ မြန်မာ နိုင်ငံထဲ ခြေကုပ် ၀င်ယူပြီး ရွှေရည်စိမ် လွတ်လပ်ရေး ပေးတဲ့ ဘုန်းကြီးကို ပါးရိုက်၊ မြန်မာ နိုင်ငံသား မိန်းမပျို တွေကို ဖျက်ဆီး စော်ကား၊ တိုင်းပြည်ရဲ့ သယံဇာတကို ကြယ်သီး မချန် လုယူတဲ့ ဖက်ဆစ် ဂျပန်ကို ပြန်လည် တော်လှန်ဖို့ တပ်ထွက် မိန့်ခွန်း ပြောတဲ့ မတ်လ ၂၇ နေ့ဟာ ဖက်ဆစ် တော်လှန်ရေးနေ့ စစ်စစ် ဖြစ်ပါတယ်။

ရဲဘော် သုံးကျိပ်ဝင် သူတို့ရဲ့ စွန့်လွှတ် စွန့်စားစွာ တိုင်းပြည်နဲ့ လူမျိုးကို လွတ်လပ်တဲ့ လူမျိုး ဖြစ်အောင် ကြံဆောင် ခဲ့တာကို ချီးကျူး ဂုဏ်ယူ အလေးပြု ချင်တဲ့ အတွက် ဒီပို့စ်ကို တင်ပါတယ်။

ရဲဘော်သုံးကျိပ် အင်္ဂလိပ် ၀ိုင်းပိတ် တိုက်နှင်ထုတ် ။

မြန်မာသက္ကရာဇ် ၁၃၀၂-ခုနှစ်၊ အင်္ဂလိပ် ၁၉၄၁-ခု၊ ၁၂-လ၊ ၂၆-ရက်နေ့၌ ထိုင်းနိုင်ငံ ဘန်ကောက် မြို့တော်ရှိ မျိုးချစ် ပုဂ္ဂိုလ်ကြီး ဦးလွန်းဖေ၏အိမ်တွင် ဘီ၊ အိုင်၊ အေ ခေါ် ဗမာ့ လွတ်လပ်ရေး တပ်မတော် ကြီးကို စတင် တည်ထောင်ကာ ရဲဘော် ၃-ကျိပ် ၀င်တို့ ကိုယ်တိုင် ဦးစီး ကြပ်မတ်၍ ဗိုလ်လုပ် ပြီး မြန်မာပြည်၌ စိုးမိုး အုပ်ချုပ် မတရား မင်းလုပ် နေသော အင်္ဂလိပ် အစိုးရကို ၀ိုင်းဝန်း တိုက်ခိုက် နှင်ထုတ် ပြီးနောက် ဂျပန် တို့ကိုပါ တော်လှန် တိုက်ခိုက် လျက် ဗမာ ပြည်ကြီး ကိုယ်ပိုင် ရအောင် ပြန်ဆောင် ယူပေး ခဲ့သူများ ဖြစ်လေသည်၊ အကျယ်ကို ရဲဘော် ၃-ကျိပ်ခေါ် ၎င်းင်းတို့ အတ္ထုပ္ပတ္တိ စာအုပ်၌ ရှုပါလေ။



၁-သခင်အောင်ဆန်း (ဗိုလ်တေဇ)။ ၂-သခင်လှဖေ (ဗိုလ်လက်ျာ)။ ၃-သခင်ရှုမောင် (ဗိုလ်နေ၀င်း)။ ၄-ကိုလှမောင်(ဗိုလ်ဇေယျ)။ ၅-ကိုထွန်းရှိန် (ဗိုလ်ရန်နိုင်)။
၆-သခင်လှမြိုင် (ဗိုလ်ရန်အောင်)။ ၇-ကိုရွှေ(ဗိုလ်ကျော်ဇော)။ ၈- သခင်စံလှိုင်(ဗိုလ်အောင်)။
၉-ကိုဆောင်း(ဗိုလ်ထိန်းဝင်း)။ ၁၀-သခင်ထွန်းရွှေ(ဗိုလ်လင်းယုံ)။ ၁၁- သခင်အောင်သိန်း
(ဗိုလ်ရဲထွဋ်)။ ၁၂- သခင်ဗဂျမ်း (ဗိုလ်လရောင်)။ ၁၃- သခင်တင်ဧ(ဗိုလ်ဘုန်းမြင့်)။ ၁၄- သခင်
ထွန်းခင် (ဗိုလ်မြင့်ဆွေ)။ ၁၅- သခင်သန်းတင်။ ၁၆- သခင်ထွန်းအုပ်။ ၁၇- သခင်အောင်သန်း (ဗိုလ်စကြာ)။ ၁၈-သခင်စိုး (ဗိုလ်မြင့်အောင်)။ ၁၉-သခင်စံမြ (ဗိုလ်တောက်ထိန်)။
၂၀-ကိုလှ (ဗိုလ်မင်းရောင်)။ ၂၁- သခင်စောလွင် (ဗိုလ်မင်းခေါင်)။ ၂၂-သခင်ကျော်စိန် (ဗိုလ်မိုးညို)။ ၂၃-သခင်သစ် (ဗိုလ်စောနောင်)။ ၂၄-သခင်မောင်ဦး (ဗိုလ်တရာ)။ ၂၅- သခင်ထွန်းလွင်(ဗိုလ်ဗလ)။ ၂၆- သခင်သန်းညွန့် (ဗိုလ်ဇင်ယော်)။ ၂၇- သခင်အေးမောင် (ဗိုလ်မိုး)။ ၂၈- သခင်မောင်မောင် (ဗိုလ်ညာဏ)။ ၂၉- သခင်ငွေ (ဗိုလ်စောအောင်)။ ၃၀-သခင်သန်းတင်(ဗိုလ်မြဒင်)။

မှတ်ချက်။ ။မြဟန်၏ ကိုလိုနီခေတ် မြန်မာ့သမိုင်းအဘိဓာန်တွင် ဗိုလ်ရဲထွဋ်-ကိုအောင်သိန်း၊
ဗိုလ်သန်းတင်-သခင်သန်းတင်(ကမာရွတ်)၊ ဗိုလ်မင်းရောင်-သခင်လှ၊ ဗိုလ်မြဒင်သခင်သန်း
တင်(အုတ်ဖို) ဟုတွေ့ရသည်။

တစ်ခုတော့ အရဲစွန့်လို့ မေးချင်ပါတယ်။ ခုလက်ရှိ တပ်မတော် သားများရော.. တပ်မတော် ထဲကို ၀င်တာ တိုင်းပြည်နဲ့ လူမျိုးကို ဘ၀နဲ့ အသက်ပါ စွန့်ပြီး ကာကွယ် ချင်လို့လား.. မိမိရဲ့ ဘ၀ တက်လမ်း မြင့်မားဖို့ အတွက်လား.. ကိုယ့်ကိုယ်ကို မေးပြီး ကိုယ့်ကိုယ်ကို မလိမ်ညာ စတမ်း ဖြေစေ ချင်ပါတယ်။ ပြီးတော့ တပ်မတော်ကို ကနဦး ထူထောင် ခဲ့သူ များရဲ့ စိတ်ဓာတ် နဲ့ သူတို့ ထူထောင် ခဲ့တဲ့ တပ်မတော် ထဲမှာ နေရတာ လိပ်ပြာ သန့်သူများ ဖြစ်ကြ ပါစေ။

ကျွန်မ၊ သမိုင်းနဲ့ ထော်လော်ကန့်လန့် ပညာရေး

သမိုင်းကို သင်တာ မအ အောင်လို့လို့ သမိုင်းပါရဂူ ဒေါက်တာ သန်းထွန်းက ပြောခဲ့ပါတယ်။ ဒီလိုနဲ့ မြန်မာနိုင်ငံ မှာ ကျွန်မတို့ တွေ သမိုင်း ဆိုတာကို တတိယတန်း ကျောင်းသူ ဘ၀က စပြီး သင်ကြားခဲ့ကြရပါတယ်။ ကျွန်မတို့ တွေ သမိုင်းကို မှန်မှန်ကန်ကန် သင်ကြားခံခဲ့ကြရရဲ့လား။ ကျောင်းများမှာ သမိုင်းကိုဖတ်ပြီး ကျောင်းသားများ ကိုယ့်အမြင်ကို ဆွေးနွေးတင်ပြ အတွေးဖလှယ်ခဲ့ကြရရဲ့လား။ စတုတ္တတန်း ဆရာမက လွဲလို့ တခြားဆရာများ ထံက တခါမှ မရခဲ့ ဖူးပါဘူး။ ဆရာမ ကျောက်သင်ပုန်းမှာ ရေးပေးတဲ့ မေး၊ ဖြေ သင်ခန်းစာများကိုလိုက်ကူးပြီး သမိုင်းကို သမိုင်း ကြောင်းလို မလေ့လာခဲ့ရဘဲ ကြောက်စရာ ကျက်စာတစ်ရပ် အနေနဲ့ အလွတ်ကျက်ပြီး ဖြေခဲ့ ကြရတဲ့ ကျောင်းသား တွေ ဒုနဲ့ဒေးပါ။

ကျွန်မရဲ့အဘွားကို အဘိုးက သမိုင်းပါမောက္ခလို့ နောက်ပြီးခေါ်ပါတယ်။ ကလေးပုံပြင် စာအုပ်ထဲက ပုံပြင် များကို ဘယ်တော့မှ မပြောဘဲ သူသိတတ်သမျှ သမိုင်းကြောင်းများဟာ ကျွန်မတို့လို မြေးများအတွက် အိပ်ရာဝင် ပုံပြင် များ ဖြစ်ခဲ့ရပါတယ်။ အဘွားဆိုတော့ ကျောင်းက ဆရာမလို ကြောက်စရာလဲ မလို၊ ကိုယ့် ကိုလဲ စကားသွက်တဲ့ မြေးဆိုပြီး သိပ်ချစ်တဲ့ အဘွားက မေးသမျှကို မငြီးမငြူ အတတ်နိုင်ဆုံး ဖြေပေးပါ တယ်။ ဒီလိုနဲ့ ကျွန်မဟာ သမိုင်းကို အိပ်ရာဝင် ပုံပြင်အဖြစ် လေ့လာနိုင်ပြီး အမှတ်ကောင်း ရခဲ့ပါတယ်။

ဒါပေမယ့် အထက်တန်းရောက်တော့ ပြဿနာ စပါရော.. ဆရာပေးတဲ့ မေး၊ ဖြေတွေကို အလွတ်မကျက် ဘဲ ပြန် ဝေဖန် ဆန်းစစ် မိတဲ့အတွက် တက်တဲ့ ပြဿနာပါ။ ဆရာနဲ့ ကျွန်မကြားက ပြဿနာ မဟုတ်ပါ ဘူး။ ဆရာနဲ့ ကျွန်မက တစ်ဘက် ပညာရေးစနစ်က တစ်ဖက် တက်ကြတဲ့ ပြဿနာ ပါ။ န၀မတန်းမှာ အတန်းထဲက မိနစ် ၂၀တွင်း အကြိုက်ဆုံး သီချင်းတစ်ပုဒ် ခေါင်းစဉ်နဲ့ စာစီစာကုံးပြိုင်ပွဲမှာ ကျွန်မကို အားရခဲ့တဲ့ မြန်မာစာ ဆရာ အတန်းမှူးနဲ့ ဒသမတန်းက မြန်မာစာ ဆရာတို့က ကျွန်မကို အတော် အားထားခဲ့ကြရှာပါတယ်။ ကျွန်မတို့ ကျောင်းက မြန်မာတပြည်လုံး ပထမ၊ ဒုတိယ၊ တတိယ စသဖြင့် ဗိုလ်စွဲနေကျမို့ သူတို့က ကျွန်မကို မြန်မာစာ နေရာမှာ တော်တော် အားကိုးခဲ့ကြတာပါ။

ပြဿနာ က မိဘုရားဖွားစော ကျောက်စာပါ။ မိဘုရားဖွားစော ကျောက်စာကို သင်ဖို့မှာ ဖွားစောကို အလှူဒါန အတွက် တော်တော် အမွှမ်းတင် ပေးရပါတယ်။ ကျွန်မက ဆရာများ ပေးတဲ့ ဒီလိုမေး၊ ဒီလိုဖြေ စနစ်ကို မလိုက်နာ ပါဘူး။ ကိုယ့်ဟာကိုယ် ကိုယ့်အတွေးနဲ့ကိုယ် ဖြေပါတယ်။ ကျွန်မကို ဒီလို မဖြေဖို့ ဆရာများက နားချရှာပါတယ်။ ၀န်ကြီးဌာနက ထုတ်ပေးတဲ့ ဆရာလက်ကိုင် သင်ရိုးကိုတောင် ဆရာများက ကျွန်မကို ငှားရှာပါတယ်။ သင်ရိုးနဲ့ အညီ ဖြေမှ အမှတ်ကောင်းမှာမို့ ကျွန်မကို မြန်မာစာ အမှတ် အကောင်း ဆုံးဆု ရစေချင်လို့ပါ။ တနိုင်ငံလုံးက ဆယ်တန်း ကျောင်းသားများ ရင်ခုန်တဲ့ အခြေခံပညာ အထက်တန်း စာမေးပွဲမှာ မြန်မာစာမှာ မိဘုရားဖွားစော ကျောက်စာမှ ရရှိသော ဖွားစောရဲ့ စိတ်နေစိတ်ထားကို မေးပါ တယ်။ ကျွန်မကလဲ ခေါင်းမာစွာနဲ့ ကျွန်မ ယုံကြည် လက်ခံတဲ့ အတိုင်း ဖြေပါတယ်။ စာမေးပွဲခန်းက ထွက်လာတဲ့ ကျွန်မကို ဆရာက သမီးဖြေနိုင်လားတဲ့ မေးရှာပါ တယ်။ ဟုတ်ကဲ့ ဆရာ သမီး သိပ်ဖြေနိုင် ပါတယ် ဆိုတော့ ဘယ်အပုဒ်ကိုဖြေလဲတဲ့။ ဖွားစောကျောက်စာကို ဒီလို ဖြေလိုက် တယ် ဆိုတော့ ဆရာက သက်ပြင်းချရင်း ခေါင်းယမ်းရှာပါတယ်။ ကျွန်မ မျှော်လင့်ထားတဲ့အတိုင်းပဲ မြန်မာစာကို ကျွန်မ ဂုဏ်ထူး ထွက်ခဲ့ပေမယ့် ဆရာတွေ မျှော်မှန်းတဲ့ အမြင့်ဆုံး အမှတ်နဲ့ လွဲခဲ့ပါတယ်။

ကျွန်မ ဘယ်လိုဖြေခဲ့လဲ ဆိုတော့ လှူချင်တန်းချင်၊ ဗုဒ္ဓဘာသာဝင်ပီပီ ဘာသာတရားကို သက်ဝင်ယုံကြည် ပြီး ကောင်းတဲ့ တခြား အချက်တွေ သူ့စိတ်ထဲမှာ အများကြီး ပါပေမယ့် ဆိုးတဲ့ စိတ်ထားအနေနဲ့

မိဘုရားဖွားစောဟာ သူ့ကျောက်စာတစ်မျက်နှာမှာ ငါ ဆယ့်ရှစ်လုံး ပါအောင် ငါချင်းထပ် ကျောက်စာ ရေးထိုး ခဲ့တဲ့အတွက် ငါစွဲ ငါမာန် ကြီးကြောင်း
အလှူကို ကျောက်ထက် အက္ခရာ တင်ရာမှာ ငါ့လင်မင်းကြီး၊ ငါ့သားမြေးကြီး၊ ငါ့မြေးမင်းကြီးလို့ မင်းမျိုး ဖြစ်ရ တာကို အမွှမ်းတင်နေခဲ့ပေမယ့် သူ့ဖခင် လယ်သမားကြီးကို ကျောက်စာမှာ မတွေ့ရတဲ့အတွက် မိဘကျေးဇူးနဲ့ ဘ၀ဟောင်းကို မေ့ပြီး ရွှေနန်းစည်းစိမ် ကိုသာ သာယာမက်မောသူလို့ ကောက်ချက် ချနိုင်ကြောင်း

မြေးတောင် ဘုရင်ဖြစ်နေချိန်မှာ သူ့အသက်ဟာ တော်တော် အိုနေပြီလို့ တွက်လို့ရပေမယ့် အလှူအတန်း လုပ်ပြီး သူ့အတွက်ကိုသာ လူစည်းစိမ်၊ နတ်စည်းစိမ်ကိုသာ အဓိက ထားပြီး တောင်းဆိုခဲ့တဲ့အတွက် သိင်္ဃသူ့သမီး ကျောက်စာ နဲ့ အနှစ်သာရ လွန်စွာ ခြားနားနေကြောင်း၊ မင်းစည်းစိမ်ကို တော်တော် ယစ်မူး သာယာနေသည်မှာ ထင်ရှားနေကြောင်း
ကျောက်စာကို ဖတ်ပြီး ဘယ်အလှူက ဘာအတွက်လို့ စီမံခန့်ခွဲပုံကို တွေ့ရတဲ့အတွက် အသေးစိတ် စီမံ ခန့်ခွဲ လိုစိတ် ပြင်းပျသည်ကို တွေ့ရကြောင်း၊ ပုဂံ နန်းတွင်းရေး မှာလဲ တော်တော် စီမံခန့်ခွဲ ခဲ့တယ်လို့ ယူဆရကြောင်း၊ သူ့လက်ထက်မှာပဲ တရုတ်ပြေးမင်း ရာဇ၀င် တွင်ခဲ့ရတဲ့အတွက် ပုဂံထီးနန်း ကျဆုံးခဲ့ရတဲ့ အတွက် သူ့စနက်နဲ့ သူ့ရဲ့ စီမံခန့်ခွဲမှု စွမ်းရည်ကို သံသယ ရှိဖွယ် ဖြစ်ကြောင်း

အဲလို ဖြေလိုက်မိပါတယ်ရှင်။ အဲလို အဖြေကို ဘာလို့များ မနှစ်မြို့နိုင်ရတာပါလိမ့်။ ဘာလို့များ အမှတ် မပေးနိုင် ရတာပါလိမ့်။ ဘာလို့များ အဲလို မဖြေစေချင်ရတာပါလိမ့်။ ကျွန်မကတော့ ကိုယ့်ယုံကြည်ချက်ကို အမှတ်နဲ့ မလဲ နိုင်ပါ။ အမှတ်နည်း ခဲ့ရတဲ့ အတွက်လဲ ကိစ္စမရှိပါ။ သို့သော် မြန်မာ့သမိုင်းတွင် အုပ်ချုပ်သူ ဘုရင်မျိုး ဘာလုပ်လုပ် ကောင်းပါတယ် လို့ချည်း ဘာကြောင့် ခုထိ လက်ခံကျင့်သုံးကာ ပညာရေးတွင် ပြဌာန်း ထားရပါသနည်း။ ဒါအပြင် ရာဇ၀င် ဆရာ အဆက်ဆက်တို့ကလဲ လယ်သူမ ဘ၀ကနေ မင်းသုံး ဆက် မိဘုရားကြီး ဖြစ်ခဲ့တဲ့ ဖွားစောကို အမွှမ်းချည့် တင်ထားကြပါတယ်။ သာမန် အညတြ အိမ်တွင်းအောင်း ကျွန်မ အနေနဲ့ လွန်ခဲ့တဲ့ နှစ် တစ်ထောင် ခန့်က မိဘုရား ဖွားစောကို မနာလိုစရာ အကြောင်း မရှိပါဘူးနော်။

မင်းဆိုတာ သမုတိနတ်မို့ စိတ်နဲ့တောင် မပြစ်မှားကောင်းဘူး ဆိုတဲ့ စကားကို ကြားရတော့ ပြုံးမိပါတယ်။ မြတ်စွာ ဘုရားက သူ့ကိုတောင် သူ့စကားကို မျက်စိမှိတ် မယုံဘဲ ဝေဖန်ဖို့ ကာလာမသုတ်မှာ ဟောကြားခဲ့မှတော့ ဝေဖန် ဆန်းစစ်တာကို ပြစ်မှားတာလို့ ယူဆလို့ မရကြောင်း ထင်းထင်းကြီး တွေ့နိုင်ပါတယ်။ သုံးလောက ထွတ်ထား ဘုရားရှင်က သူ့ကိုတောင် ဝေဖန် ဆန်းစစ်တာ လက်ခံရင် မင်း ဆိုတာ သမုတိ နတ်မကလို့ ဘာဖြစ်ဖြစ် ဘုရား ထက်တော့ အများကြီး နိမ့်တာ လူတိုင်း သိပါတယ်။ ဝေဖန် ဆန်းစစ် မခံနိုင်တာ မခံရဲတာ ဘာလို့ပါလိမ့်။
မြတ်စွာဘုရားကို ကျွန်မတို့ ယုံကြည် ကိုးကွယ် နေသည်မှာ သူက ဘုရားဖြစ်နေသောကြောင့် သူဘာလုပ်လုပ် အကောင်းထင်ပြီး ကျွန်မတို့က ယုံကြည် ကိုးကွယ် နေခြင်း မဟုတ်ပါ။ ဓမ္မစကြာ တရားဦးလေး ဟောဖို့အရေး တပည့်သာဝကများက သူ့ဆီသွားပြီး ဆည်းကပ်သည် မဟုတ်၊ ဘုရားရှင်က တပည့်သာဝက များထံ သွားပြီး တရားဟော ရရှာတာ ဖြစ်ပါတယ်။ ဒါတောင် ပဉ္စ၀ဂ္ဂီ ငါးပါးက ဘုရားလို့ လက်မခံပါဘူး။ ငါ့တရားကို နာပြီးမှ ငါ့ကို ဆုံးဖြတ်ဟု ဆိုကာ တရားဟောရင်း တရားအဆုံးမှာ ပဉ္စ၀ဂ္ဂီ ငါးပါးလုံး ရဟန္တာ ဖြစ်ပြီး မြတ်စွာဘုရားကို ဘုရားဟု လက်ခံ လိုက်ခြင်းသာ ဖြစ်ပါသည်။ သူဟောသော တရား၊ သူ့လုပ်ရပ်ကြောင့် ကျွန်မတို့က သူ့ကို ဘုရားဟု သတ်မှတ် ကိုးကွယ်ခြင်း ဖြစ်ပါသည်။ သူက ဘုရားဖြစ်နေလို့ ကျွန်မတို့က သူ့တရားကို လက်ခံတာ မဟုတ်ပါ။ ထို့အတူ မြတ်စွာဘုရားရှင် လက်ထက်က လူများကလည်း ကျွန်မတို့နည်းတူ တရားကို နာပြီးမှ ဘုရားဟု လက်ခံ ကြခြင်း ဖြစ်ပါတယ်။ လူထုရဲ့ ယုံကြည်လက်ခံမှုကို အာဏာနဲ့ ရယူခဲ့တာ မဟုတ်ဘဲ မဟာ ကရုဏာတော်နဲ့သာ ရရှိခဲ့ခြင်း ဖြစ်ပါတယ်။ ဒါ့အပြင် ငါဟောလို့ ဆိုပြီးလဲ မျက်စိမှိတ် မယုံလိုက်ပါနဲ့ဦးလို့တောင် အတိအလင်း မိန့်ဆို ဟောကြားပြီး သတ္တ၀ါတို့ရဲ့ ပညာမျက်စိ အလင်းဓာတ်ကို ဖွင့်ပေးခဲ့သူ ဖြစ်ပါတယ်။ တန်ခိုးတော် အနန္တရှင် ဖြစ် လျက် လူအများ ဘုရားရဲ့ တရားကို ယုံဖို့ တန်ခိုးနဲ့ မလုပ်ခဲ့ဘဲ အပင်ပန်းခံပြီး ၄၅နှစ်တိတိ တရားဟောပြ ဆုံးမ တော် မူခဲ့ပါတယ်။ ဒါကြောင့်လဲ မြတ်စွာဘုရားက ကာလာမသုတ်တွင် ဒီလို ဟောကြားခဲ့ရင်း သူတရားတော် များနဲ့ ပတ်သက်ပြီး တလောကလုံးကို စိန်ခေါ်နိုင်ခြင်း ဖြစ်ပါတယ်။

ကေသမုတ္တိ နိဂုံးသား ကာလာမမင်းတို့အား မြတ်စွာဘုရားဟောကြားခြင်း...
“ ကာလာမ မင်းတို့ ၊ သင်တို့မှာ ယုံမှားသံသယ ဖြစ်သင့်ပေ၏ ။ သင်တို့သည်

(၁) ပြောသံ ကြားကာမျှဖြင့် ဟုတ်ပြီ ။ မှန်ပြီ ဟု အတည်မယူကုန်လင့်ဦး ။
(၂) အစဉ် အဆက် စကားများဖြင့်လည်း မယူကုန်လင့်ဦး ။
(၃) ဤသို့ ဖြစ်ဖူသတတ်ဟူသော စကားမျှဖြင့်လည်း မယူကုန်လင့်ဦး ။
(၄) ပိဋကတ်စာပေ နှင့် ညီညွတ်ပေသည် ဟူ၍လည်း မယူကုန်လင့်ဦး ။
(၅) ကြံဆတွေးတော၍ ယူခြင်းမျှဖြင့်လည်း မယူကုန်လင့်ဦး ။
(၆) အခြင်းအရာကို “ ကြံစည်” သော အားဖြင့်လည်း မယူကုန်လင့်ဦး ။
(၇) မှတ်ယူထိုက်သော သဘောမျှဖြင့်လည်း မယူကုန်လင့်ဦး ။
(၈) ငါတို့လေးစားသော ရဟန်း၏ စကားဟူ၍ လည်း မယူကုန်လင့်ဦး ။

ကာလာမ မင်းတို့ ---

(၉) ဤတရားတို့ကား အကုသိုလ်တရား ။ အပြစ်ရှိသော တရား ။ ပညာရှိတို့ ကဲ့ရဲ့အပ်သော တရားတည်း ။ထိုတရားတို့ကို ကျင့်သုံးပါက အစီးအပွားမရှိခြင်ငှာ ၊ ဆင်းရဲခြင်းငှာ ။ ဖြစ်ကုန်၏ ဟု သင်တို့သည် “ မိမိတို့ ကိုယ်တိုင် ” သိသော အခါ၌ ယင်းတို့ကို စွန့်ပယ်ရာ၏ ။

(၁၀) ဤတရားတို့ကား ကုသိုလ်တရား ။အပြစ် မရှိသော တရား ။ ပညာရှိတို့ ချီးမွမ်းအပ်သော တရားများဖြစ်၍ ယင်းတို့ကို ကျင့်သုံးပါက အစီးအပွားရှိသည် ချမ်းသာခြင်းငှါ ဖြစ်သည်ဟု “မိမိ ကိုယ်တိုင် ” သိသော အခါ၌ မူ သင်တို့သည် ယင်းတို့နှင့် ပြည့်စုံ နေကုန်ရာ၏ ။

( အဂုင်္တ္တရနိကာယ် ။ တိက နိပါတ် ။ မဟာ ဝဂ် ကေသ မုတ္တိသုတ်)
ဒါကြောင့် အုပ်ချုပ်သူ လူတန်းစားများ အနေနဲ့ မှတ်ကျောက် တင်ခံနိုင်ဖို့ လိုပါတယ်။ ဒါပေမယ့် ကျွန်မတို့ နိုင်ငံရဲ့ ပညာရေးက မှတ်ကျောက်ကို ပစ်ပယ်၊ အုပ်ချုပ်သူ လူတန်းစားကို ကောင်းကွက်ချည့် ရှာခိုင်း၊ အမွှမ်းတင်ခိုင်းတာ၊ အုပ်ချုပ်သူ လူတန်းစားဖက်ကိုချည့် စဉ်းစားပေးခိုင်းပြီး အုပ်ချုပ်ခံ လူတန်းစားရဲ့ ခံစားချက်နဲ့ ဘ၀ဒုက္ခတွေကို လျစ်လျူရှုနေတာကို ၀မ်းနည်းစွာ တွေ့ရပါတယ်။ တကယ်တော့ အုပ်ချုပ်သူရော အုပ်ချုပ်ခံပါ လူသားတွေ၊ အမိမြေရဲ့ နိုင်ငံသားတွေချည့်ပါပဲ။ ဒီလို ပညာရေးစနစ်ကြောင့် ဒီလို အုပ်ချုပ်ရေး စနစ် ဖြစ်လာတာလား ဒီလို အုပ်ချုပ်ရေးစနစ်က ဒီလို ပညာရေးစနစ်ကို သင်ကြားစေတာလား စဉ်းစားစရာပါ။ သင်သာ အုပ်ချုပ်သူ နေရာရောက်ရင် ဘယ်လို စဉ်းစားမလဲ ဆိုတဲ့ မေးခွန်း ထက် သင်သာ ဒီလို အုပ်ချုပ်ခံရရင် ဘယ်လို စဉ်းစားမလဲ ဆိုတာလေးကိုလဲ တပြန်တလှည့် တွေးပေးကြဖို့ ကောင်းပါတယ်။ လူမျိုးတူချင်း၊ လူသားချင်း ကိုယ်ချင်းစာစိတ်လေးများ ရှိကြရင် ဒီလို ၂ဦး၂ဖက် လုံးအတွက် မျှတတဲ့ အတွေးလေးများ ၀င်ကြရင် ရေးရကျိုး နပ်ပါပြီ။ ကျွန်မရဲ့ ဆောင်းပါးလေးကိုလဲ ကာလာမ သုတ်နဲ့ နှိုင်းယှဉ်ပြီး ဝေဖန်ပေးကြပါဦးနော်…

အီဂျစ် နတ်ဘုရား သမိုင်းနဲ့ သင်္ကေတ ၀ါဒက ပေးတဲ့အတွေးများ

ပန်းချီလုပ်ငန်းကို လုပ်တဲ့သူပီပီ ဘယ်ပုံတွေကို ပန်းချီဆွဲရင် ကောင်းမလဲ လေ့လာရင်း အီဂျစ် နတ်ဘုရား တွေကို လေ့လာမိပါရဲ့။ အီဂျစ်နဲ့ အန်ကောဝပ်ဟာ ပျက်စီး ပျောက်ကွယ် ရခြင်း အကြောင်းရင်းကို တိတိကျကျ မသိလိုက် ရတဲ့ ဒဏ္ဍာရီ ဆန်လွန်း လှတဲ့ နေရာတွေ ဖြစ်တာမို့ ပိုစိတ်ဝင်စား မိတာပါ။ လူကိုယ်တိုင် သွားပြီး မလေ့လာ မိခင် အင်တာနက်ထဲ လျှောက်လေ့လာ မိတော့ ထူးထူး ဆန်းဆန်း နတ်ဘုရား များရဲ့ ပုံလို့ သူတို့ သတ်မှတ်ကြတဲ့ ပုံ တွေကို သွားတွေ့ မိပါတယ်။ ဒီနတ်ဘုရား ဆိုသူတွေ တကယ် ရှိတာလား။ ဒါမှမဟုတ် တင်စားပြီး သွယ်ဝိုက် သော နည်းနဲ့ သက်ဆိုင်ရာကို တိုင်ကြား ထားခဲ့ကြ တာလား ဆိုတာ ကိုလည်း တွေးမိပါတယ်။ နတ်ဘုရားများရဲ့ ပုံနဲ့တကွ သူတို့ကို ဘာလို့ ကိုးကွယ်ရတယ် ဘယ်သူတွေက ဘာတွေကို ပိုင်စိုးတယ် ဆိုတာတွေ ရေးဆို ဖွင့်ပြ ထားတာ တွေ့လိုက် ရတော့ သင်္ကေတ ၀ါဒနဲ့ ဆက်စပ်မိပြီး အတွေး တစ်ခုကြောင့် ပြုံးမိသွား ပါတယ်။ ပုခုံး နှစ် ဘက်ကြား ခေါင်းပေါက်တဲ့ သတ္တ၀ါတွေ ဆိုတဲ့ ဆောင်းပါးလေး ကလည်း ဒါကြောင့် အတွေးပေါ်ပြီး ရေးဖြစ်သွား တာပါ။ အဲဒီ သတ္တ၀ါတွေက သက်ဆိုင်ရာ အစွမ်းတွေ (အဆိုး စွမ်းအားရှင်၊ အဖျက် စွမ်းအားရှင် တွေလည်း စွမ်းအား ကတော့ စွမ်းအား ပါပဲ) ရှိနေတဲ့ အတွက် သာမန်လူက မနိုင် နိုင်တော့ နတ်ဘုရား အဖြစ် ကိုးကွယ်လိုက် ရပုံ ရပါတယ်။ ဒီတော့ မြတ်စွာဘုရားရဲ့ မင်္ဂလသုတ်လာ ဆုံးမ စကားဖြစ်တဲ့ လူမိုက်ကို ရှောင်ရမယ့် အစား ကိုးကွယ် ဆည်းကပ် မိတော့ ဒီတိုင်းပြည်တွေ ဒဏ္ဍာရီ ဆန်ဆန် ပျောက်ကွယ် ပျက်သုဉ်း သွားတာ မဆန်းလှ ပါဘူးလို့ တွေးမိပါတယ်။ အော် ဒီနတ်တွေက ခုတော့ အနောက် ကနေ အရှေ့ကို ပြောင်းလာ နေပါ ရောလား လို့လဲ တွေးမိပါတယ်။

ရေကိုပိုင်စိုးတဲ့နတ် ဆိုတော့ ပုဂံ၊ ပုပ္ပား အလည် သွားတုန်းက ဆည် လက်တံ ရေမြောင်းကြီး တွေက လူကြီး လာ စစ်၊ မစစ်ကို ဗေဒင်ဟောနိုင်တယ်၊ ငွေအသပြာနဲ့ ပူဇော် ပသမှ လိုတဲ့ရေ ကျတယ် လို့ ပြောပြတဲ့ ကျောက်ပန်း တောင်းက လယ်သမားကြီးကို သတိရ မိတယ်။ ဒီလိုဆို ဆည်ရေ လွှတ်တဲ့ လူက ရေနတ် ပေါ့လေ။


ငြိမ်းချမ်းရေးနဲ့ တရားမျှတမှုကို စောင့်ရှောက်တဲ့နတ်က ခေါင်းပေါ်မှာ ငှက်မွေးနဲ့ အမျိုးသမီးပါတဲ့။ ငှက်လို နေရာတကာ ပျံသန်းရင်း တရား မမျှတမှုတွေကို စုံစမ်းဖော်ထုတ်ပုံ ရပါတယ်။


လူအသားနဲ့ ထိလိုက်ရင် လူအသားထဲကို ဖောက်ဝင်၊ လူသားစား၊ လူသွေးကိုစုပ်ပြီးမှ ဖွံ့ဖြိုးကြီးထွားလာတဲ့တဲ့ နောက်ချီးပိုးထိုးကောင် တစ်မျိုးရဲ့ ခေါင်းနဲ့ လူကိုယ်ပေါင်းစပ်ထားတဲ့ နတ်ကိုလည်း တွေ့လိုက်ရပါတယ်။ လူထုထဲကို ဖောက်ဝင်၊ လူထုရဲ့ ထမင်းကိုစားရင်း လူထုကို သစာဖောက်တဲ့ အသားထဲက လောက်ထွက်တဲ့ ခေတ်တိုင်းက အလိုတော်ရိများကို သတိရလိုက်မိပါတယ်။


ရုတ်တရက် ကြည့်ရင် ဖြောင့်သယောင် ရှိပေမယ့် လိမ်ကောက်နေတဲ့ ဦးချိုပါ နွားသိုးခေါင်းနဲ့ လူကတော့ လူတွေကို ပုံစံသွင်းတဲ့ နတ်ဘုရားပါတဲ့။ စနစ်ဆိုး တွေကို စီမံချက် ဆိုးတွေကို စေတနာ ရှိသယောင်နဲ့ ချမှတ်တဲ့ လူတွေကို သည်နတ်အဖြစ် ကိုးကွယ် ခဲ့ကြ ရတယ် ထင်ပါရဲ့။


သိမ်းငှက်ခေါင်းနဲ့ လူကိုယ်ရှိတဲ့နတ်က အီဂျစ်ဘုရင်ကို စောင့်ရှောက်ရပါသတဲ့။ အင်း.. သိမ်းငှက်လို မျက်စိလျင်လွန်း ပျံသန်းတာ မြန်လွန်းတဲ့ သူလျှို စုံထောက်တွေကမှ ဘုရင်ကို မစောင့်ရှောက်ရင် သည်ဘုရင် ဘယ်ခံနိုင်ပါ့မလဲလေ။ ဒီလိုလူတွေ နတ်လိုကို သြဇာကြီးတာလဲ မဆန်းလှပါဘူး။


ခြင်္သေ့မ ခေါင်းနဲ့ မိန်းမရုပ်ရှိတဲ့ နတ်ဘုရားမကတော့ စစ်နတ်ပါတဲ့။ စစ်ပွဲတွေမှာ မိန်းမသူလျှိုကလဲ အရေးပါလှသကိုး။


ဆူပူလှုပ်ရှားမှုတွေ အားလုံးကို ငြိမ်သက်အောင် လုပ်တဲ့ သရဲခေါင်းနဲ့ လူကိုယ်ရှိတဲ့ နတ်ပါတဲ့။ ညီအရင်းကို သတ်ပြီး တူတော်စပ်သူနဲ့ စစ်ထိုးခဲ့တာ သက်ရှိ အားလုံးကို အုပ်စိုးသူ ဖြစ်ချင်လို့ပါတဲ့။ ဒီလို သရဲမရဲ စီးနေတဲ့ လူကို ကြောက်လွန်းလို့ နတ်ဘုရားလို ကိုးကွယ် ခဲ့ရပုံ ပေါ်ပါတယ်။


ရေမြင်းခေါင်း၊ ခြင်္သေ့ရဲ့ ကျောနဲ့ ခြေလက်၊ မိကျောင်းအမြီး၊ ကိုယ်ဝန်ဆောင် မိန်းမရဲ့ ရင်နဲ့ ဗိုက်တို့နဲ့ တန်ဆာဆင်ထားတဲ့ နတ်ကတော့ အရေးအပါဆုံးလို့ ဆိုပါတယ်။ ရေမြင်းပါးစပ်လို ပါးစပ်ကို အကျယ်ကြီးဟပြီး ခွံ့သမျှ ၀ါးနေတဲ့၊ တောဘုရင် ခြင်္သေ့လို အာဏာ ပိုင်စိုးတဲ့၊ မိကျောင်းလို အသနား အညှာတာ ကင်းပြီး သန်မာတဲ့ အမြီးအားကိုးနဲ့ သတ္တ၀ါတွေကို ဖမ်းယူစားသောက် တတ်သလို နောက်လိုက်လူမိုက် အားကိုးနဲ့ အားရှိနေတဲ့၊ ရင်ပိန်ဟန်ဆောင်ပြီး ဗိုက်ရွှဲနေတဲ့ သူကတော့ နတ်ချုပ်ကြီးပါတဲ့လေ။ ဘယ်သူ့ကို မြင်ယောင်မိကြလဲဟင်။


အီဂျစ် လူ့အဖွဲ့အစည်းမှာ ရေပန်းအစားဆုံး နတ်ကတော့ ရုပ်ဆိုးသယောင် လူမျက်နှာ၊ ခြင်္သေ့လည်ဆံမွေးနဲ့ ခြင်္သေ့ အရေခွံ ရှိတဲ့ နတ်ပါတဲ့။ ကိုယ်ဝန်ဆောင်တွေ၊ ကလေးတွေနဲ့ မိသားစုတွေကို စောင့်ရှောက်လို့ပါတဲ့လေ။ ဒီလောက်ဆိုရင် ဒီပုံတွေသာ တကယ့် ဒဏ္ဍာရီ မဟုတ်ဘဲ သင်္ကေတ ၀ါဒနဲ့ အီဂျစ်ပြည်က နောက်ဆုံး နေထိုင်ခဲ့တဲ့ လူတွေနဲ့ အဖြစ်အပျက်တွေကို ပုံဖော်ထားတာ ဆိုရင်တော့ ပိရမစ်တွေနဲ့ ခမ်းနားခဲ့တဲ့ အီဂျစ်ပြည်ကြီးဟာ နတ်ဘုရားများကြောင့်၊ ဂြိုလ်သားများကြောင့် ပျက်စီးခဲ့တာ မဟုတ်ဘဲ ပုခုံးနှစ်ဘက်ကြား ခေါင်းပေါက်နေတဲ့ သတ္တ၀ါတွေကြောင့် ပျက်စီးခဲ့တာလို့ ကောက်ချက် ချရမလိုပါပဲ။ စာဖတ်သူများရော ဘယ်လို ထင်မြင်ကြ ပါသလဲ ရှင်။ မှတ်ချက်လေးများ ရေးရင်း ဆွေးနွေးခဲ့ကြပါဦးလို့ ဖိတ်ခေါ်လိုက်ပါတယ်။

http://www.ancientegypt.co.uk/gods/home.html မှ ရည်ညွှန်း ကိုးကားပါသည်။