Pages

Wednesday, July 18, 2007

ဦးညွှတ် အလေးပြုအပ်ပါသည်…



ဒီပုံတွေကို ဒီနိုင်ငံရောက်ပြီး သိပ်မကြာခင်မှာဘဲ ကျနော့် အိမ်ခန်းမှာ ချိတ်ဆွဲဖြစ်ခဲ့သလို အိမ်ကို လာလည်သမျှ နိုင်ငံခြားသားတွေကိုလည်း `ဒါဟာ ငါတို့ရဲ့ သူရဲကောင်းတွေ´ လို့ ၀ံ့ကြွားစွာ ပြောခဲ့ပါတယ်။

မနှစ်တုန်းကတော့ အာဇာနည်ကုန်းမှာ အာဇာနည်တွေကို အလေးပြုဖို့ သွားရောက်ကြတဲ့ လူငယ်တွေကို ရိုင်းပြစွာ တားမြစ်ခဲ့တဲ့ တာဝန်ရှိသူ ဆိုသူတွေကို ရုပ်သံက တဆင့် မြင်ခဲ့ရပါတယ်။

တကယ်တော့ အဲဒီလို တားကြဆီးကြနဲ့ အာဇာနည်ကုန်းမှာ ခြောက်သွေ့တိတ်ဆိတ်ခဲ့တဲ့ အာဇာနည်နေ့တွေ မနည်းခဲ့တော့ပါဘူး။ ဒီနှစ်ရော…။ သေချာပါတယ်။ `မလိုလားအပ်သော ဆူပူမှုများ မဖြစ်ပွားစေရန်´ ဆိုတဲ့ အကြောင်းပြချက်နဲ့ပဲ အာဇာနည်ကြီးတွေကို ပြည်သူတွေ အလေးပြုခွင့် ရမယ် မထင်ပါဘူး။ လက်ရှိ အုပ်ချုပ်သူတွေလဲ ကျဆုံးသွားတဲ့ အာဇာနည်ကြီးတွေကို အလေးပြုဖို့ သတိမရအားဘဲ သူတို့ လက်အောက် အစေအပါး တယောက်ယောက်ကိုသာ သတင်းဖော်ပြလို့ ကောင်းရုံ တာဝန်ကျေ စိတ်မပါလက်မပါ မျက်နှာနဲ့ အလေးပြုဟန် အဆောင်ခိုင်းအုံးမှာ မြင်ယောင်မိနေပါတယ်။

တပ်မတော် ကာကွယ်ရေး ဦးစီးချုပ် တယောက်ဟာ စစ်တက္ကသိုလ် ဗိုလ်လောင်း သင်တန်းဆင်းပွဲနဲ့ တပ်မတော်နေ့ စစ်ရေးပြ အခမ်းအနားတွေကို တက်ဖြစ်အောင် တက်ရတယ်လို့ မှတ်သား လေ့လာရဖူးပါတယ်။ ဒါပေမယ့် အဲဒီ တက်ဖြစ်အောင် တက်ရမယ့် အခမ်းအနားမှာ အာဇာနည်နေ့ အခမ်းအနား မပါပါဘူး။ အခု လက်ရှိ အကြီးအကဲဆိုသူ တက်ရောက်ခဲ့တဲ့ အာဇာနည်နေ့ အလေးပြု အခမ်းအနားကိုလဲ ဘယ်သတင်းမှာမှ မဖတ်မိသေးပါဘူး။ ဒါဟာ ဘာဖြစ်လို့ပါလဲ။ တပ်မတော်ရဲ့ ဖခင်ကို အလေးမပြုကောင်းဘူးလို့ ထင်လေရော့သလား။

အာဇာနည်ကြီးတွေကို သူတုိ့တတွေ တန်ဖိုး မထားရုံနဲ့တင် အားမရဘဲ တန်ဖိုးထားတဲ့ ချစ်တဲ့ ပြည်သူတွေရဲ့ စိတ်သန္တာန်ထဲကပါ အာဇာနည်ကြီးတွေရဲ့ သမိုင်းပုံရိပ်ကို ဖျောက်ဖျက်ပစ်ဖို့ ကြိုးစားနေတာကတော့ ရင်နာစရာ အကောင်းဆုံး အချက်ပါပဲ။

ဒီလိုနေ့တွေ ဘယ်တော့များမှ လွန်မြောက်မှာပါလိမ့်…။ ကျနော် မသိပါ။ ဒါပေမယ့် အာဇာနည် ခေါင်းဆောင်ကြီးတွေကို ဟိုလူတွေလို မေ့ပျောက် ပစ်ဖုိ့အထိတော့် ကျနော် မမိုက်မဲနိုင်ပါ။

မြန်မာ့ သမိုင်းမှ ဘယ်သောအခါမှ ပျောက်ပြယ် မသွားနိုင်သော၊ နိုင်ငံအတွက် အသက်ပေးသွားကြရသော ဗိုလ်ချုပ်အောင်ဆန်းနဲ့ တကွ အာဇာနည် ခေါင်းဆောင်ကြီးများကို မြန်မာပြည်သူများစွာထဲမှ လူငယ် တယောက် ကျနော်သည်လည်း အခြားသော ပြည်သူများနည်းတူ ဦးညွှတ်အလေး ပြုအပ်ပါသည်။


ကလိုစေးထူး


(အမှန်ကတော့ ဒီပို့စ်ကို ကျနော် မနေ့ကတည်းက တင်ပြီး ဒီနေ့မှာ တခြားသော ဘလော့ဂါများ နည်းတူ ဆိတ်ငြိမ်စွာနဲ့ အလေးပြု အစီအစဉ်မှာ ပါဝင်မလို့ပါပဲ။ ဖြစ်ချင်တော့ အသစ်ရောက်လာတဲ့ ကရင်မိသားစု အိမ်မှာ ဘာစားစရာမှ မရှိတာကို သူတို့ အိမ်ကို သွားမိမှ သိရတော့ မနေ့က သူတို့ကို ဈေးဆိုင် လိုက်ပို့ရလို့ အိပ်ချိန်နီးမှ အိမ်ပြန်ရောက်တာနဲ့ပဲ ဒီနေ့မှ တင်ဖြစ်လိုက်ရတာပါ။ နားလည်ခွင့်လွှတ်ပေးကြပါလို့ ပန်ကြားရင်းနဲ့ပဲ သူငယ်ချင်းများရဲ့ အလေးပြု အစီအစဉ်ကို အခုပို့စ်နဲ့ ပူးပေါင်းလိုက်ပါကြောင်း)





No comments: